Tokioga muntazam aviaqatnovlar tiklandi

Uzbekistan Airways aviakompaniyasi 13-apreldan boshlab Toshkent – Tokio – Toshkent yo‘nalishi bo‘yicha muntazam aviaqatnovlarni amalga oshirishni boshladi. Kunchiqar mamlakatga to‘g‘ridan-to‘g‘ri parvozlar har hafta payshanba kunlari amalga oshiriladi.  

Toshkent-Tokio yo‘nalishidagi aviachiptalar narxi 6 270 352 so‘mdan, Toshkent – Tokio – Toshkent yo‘nalishida esa 11 292 048 so‘mdan boshlanadi.

Aviachiptalarning taqdim etilgan narxlari 2023-yil 14-aprel holatiga ko‘ra amal qiladi.

Aviachiptalarni aviakompaniyaning rasmiy www.uzairways.com sayti orqali 3% chegirma bilan, shuningdek, “UzAirways” mobil ilovasi, Uzbekistan Airways Sales orqali yoki aviakompaniya agentlaridan xarid qilishingiz mumkin.