"Uzbekistan Airways" aviakompaniyasi “Uzbekistan Airports, Aviation&Logistics Forum” xalqaro aviatsiya forumida ishtirok etmoqda

Bugun, 19-fevral kuni “O‘zekspomarkaz” milliy ko‘rgazma majmuasida “Uzbekistan Airports, Aviation&Logistics Forum” (UAALF-2020) xalqaro aviatsiya forumi o‘z ishini boshladi. Mazkur tadbir O‘zbekiston Respublikasi Transport vazirligi, O‘zbekiston Respublikasi Turizmni rivojlantirish davlat qo‘mitasi va “Fair Exhibition Organizers” kompaniyasi tomonidan tashkil etildi.

Forumda Buyuk Britaniya, Germaniya, Frantsiya, Kanada, Hindiston, Braziliya, Turkiya, Quvayt, Misr, Rossiya, Xitoy va Janubiy Koreya kabi davlatlardan 60 dan ortiq eksponentlar, 300 delegatlar va 1200 dan ortiq mutaxassislar, shuningdek, xorijiy davlatlarning tashqi ishlar vazirliklari rahbarlari, fuqaro aviatsiyasi va aeroportlar, yetakchi xalqaro va xorijiy aviakompaniyalar rahbariyati, aeroportlar, aviatsiya va transport kompaniyalarining mansabdor vakillari shtirok etmoqda.

Forum bilan bir qatorda, xalqaro tashuvchi-kompaniyalar, aeroportlar va turoperatorlar bilan birgalikda "Uzbekistan Airways" aviakompaniyasi ham o‘z xizmatlarini taklif etayotgan ko‘rgazma ham ishlamoqda.

Tadbirdan fotoreportaj