Uzbekistan Airways Bakuga parvozlar sonini oshirmoqda

“Uzbekistan Airways” AJ Toshkent – Baku – Toshkent xalqaro yo‘nalishidagi parvozlar soni oshirilishini ma’lum qiladi. Bugungi kunda aviaqatnovlar muntazam ravishda seshanba va payshanba kunlari bajarilmoqda, 2022-yil 5-iyundan boshlab esa yakshanba kunlari ham amalga oshirila boshlaydi.

Toshkent – Baku yo‘nalishi bo‘yicha aviachipta narxi 2 024 036 so‘mdan (bagajsiz) va 2 260 765 so‘mdan (bagaj bilan), Toshkent – Baku – Toshkent yo‘nalishi bo‘yicha esa 3 977 052 so‘mdan (bagajsiz) va 4 403 165 so‘mdan (bagaj bilan) boshlanadi.

Narxlar 25.05.2022 holatiga ko‘ra amal qiladi.

Aviachiptalarni aviakompaniyaning www.uzairways.com rasmiy saytidan, Uzbekistan Airways Sales filialidan yoki aviakompaniya agentlaridan xarid qilib olish mumkin.