Uzbekistan Airways SMBC Aviation Capital bilan Airbus A321 NEO havo kemalarini yetkazib berish bo‘yicha shartnoma imzoladi

Uzbekistan Airways jahonning yetakchi aviatsiya lizing kompaniyalaridan biri bo‘lgan SMBC Aviation Capital bilan 2026-yilga mo‘ljallangan va to‘g‘ridan-to‘g‘ri SMBC Aviation Capital kompaniyasining Airbus buyurtmalari portfelidan amalga oshiriladigan ikkita Airbus A321 NEO havo kemalarini yetkazib berish bo‘yicha lizing shartnomasini imzoladi.

Airbus A321 NEO avialaynerlari Uzbekistan Airways uchun yangi turdagi havo kemasi bo‘lib, aviakompaniyaga Yevropa va Janubi-Sharqiy Osiyo yo‘nalishlarini kengaytirish imkonini beradi.

"Uzbekistan Airways aviakompaniyasi Markaziy Osiyo mintaqasida aviatashuvlar bo‘yicha yetakchi bo‘lishni o‘z oldiga katta maqsad qilib qo‘ygan. Yo‘nalishlar tarmog‘ini doimiy ravishda kengaytirish, parvozlar sonini ko‘paytirish va ularni yangi Airbus A320/A321 NEO oilasiga mansub havo kemalarida samarali amalga oshirish rejalashtirilgan. Ushbu turdagi havo kemalar qulay parvoz va yoqimli sayohat uchun zarur sharoitlarni ta’minlaydi. Biz, shubhasiz, SMBC Aviation Capital’dan yangi havo kemani olish orqali bu maqsadlarning barchasiga erishamiz," - dedi Uzbekistan Airways boshqaruvi raisi Shuhrat Xudoyqulov.

"Biz Uzbekistan Airways aviakompaniyasini SMBC Aviation Capital’ning yangi mijozi sifatida qutlashdan mamnunmiz va uzoq muddatli hamda muvaffaqiyatli hamkorlikka umid qilamiz. A321 NEO havo kemalarning yangi texnologik va tejamkor modellari Uzbekistan Airways aviakompaniyasiga Janubi-Sharqiy Osiyo va Yevropadagi yo‘nalishlar tarmog‘ini kengaytirishga yordam beradi," - dedi SMBC Aviation Capital aviatsiya marketingi bo‘limi rahbari, Konor Stafford.

SMBC AVIATION CAPITAL HAQIDA:

Shtab-kvartirasi Irlandiyaning Dublin shahrida joylashgan SMBC Aviation Capital kompaniyasi dunyodagi eng yirik havo kema lizing beruvchilardan biridir. SMBC Aviation Capital aviakompaniyalarning yuqori sifatli global mijozlar bazasiga ega bo‘lib, uning portfeli 83% tor fyuzelyajli havo kemalar va 66% yangi texnologik havo kemalardan iborat (sof balans qiymati bo‘yicha). SMBC Aviation Capital 1000 dan ortiq samolyotlar parkiga ega, egalik qiladi, boshqaradi va majburiyatlarga ega, kapital bo‘yicha kuchli pozitsiyaga ega va mos ravishda S&P va Fitch tomonidan A va BBB+ reytinglariga ega, bu uning biznesining uzoq muddatli barqarorligini aks ettiradi. Qo‘shimcha ma’lumotni https://www.smbc.aero/ saytida topishingiz uchun.

UZBEKISTAN AIRWAYS AVIAKOMPANIYASI HAQIDA:

O‘zbekiston Respublikasining "Uzbekistan Airways" milliy aviakompaniyasi 1992-yilda O‘zbekistonning birinchi prezidenti Islom Karimov farmoni bilan tashkil etilgan. Bugungi kunda Uzbekistan Airways kompaniyasi guruhiga nafaqat aviakompaniyaning o‘zi, balki Uzbekistan Airways Technics, O‘quv-mashg‘ulot markazi, Uzbekistan Airways Sales, Uzbekistan Airways Catering, Uzbekistan Helicopters, shuningdek, mintaqaviy tashuvchi Silk Avia (Uzbekistan Helicopters tarkibidagi) ham kiradi. Uzbekistan Airways aviakompaniyasi Yevropa, Osiyo va Shimoliy Amerikada 75 dan ortiq yo‘nalishlarga muntazam reyslarni amalga oshiradi va dunyoning 20 dan ortiq davlatlarida vakolatxonalariga ega. O‘sishni maqsad qilgan Uzbekistan Airways aviakompaniyasi o‘z yo‘nalishlar tarmog‘ini kengaytirish, havo kemalari parkini to‘ldirish va jahon aviatsiya bozorida o‘z ishtirokini mustahkamlashda davom etmoqda.