Uzbekistan Airways’da korruptsiyaga qarshi yangi loyiha

Ayni paytda mamlakatimizda korrupsiyaning oldini olish va unga qarshi kurashishning ilg‘or xalqaro standartlar talablariga javob beradigan tizimini joriy etish borasida izchil chora-tadbirlar amalga oshirilmoqda.

2022-yilning 15-dekabr kuni unda  “Uzbekistan Airways” AJ rahbariyatini ISO 37001:2016 standartlarini joriy etishning birinchi bosqich yakunlari haqida xabardor qilish maqsadida aviakompaniya qo‘mondonlik-boshqaruv shtabining yig‘ilishi o'tkazdi.

ISO 37001:2016 xalqaro standarti aksiyadorlik jamiyatiga korruptsiyaga qarshi boshqaruv tizimini ishlab chiqish, joriy etish, saqlash va takomillashtirishda yordam beradi. U korruptsiyaga qarshi kurashishning bir qator usul va vositalarini belgilab berib, ularning qo`llanilishi tashkilotda korrupsiyaning oldini olish, o`z vaqtida aniqlash hamda bartaraf etishni ta`minlashga ko`maklashadi.

Shu o‘rinda “Uzbekistan Airways” aksiyadorlik jamiyati tomonidan ham xizmatlar ko'rsatishda inson omilini minimallashtirish, yo'lovchilar va yuklarni tashish, xodimlarni jalb qilish va boshqa yo'nalishlar bo'yicha izchil chora-tadbirlar amalga oshirilayotganini alohida ta’kidlash joiz.

“Uzbekistan Airways” aksiyadorlik jamiyati faoliyatiga ISO 37001:2016 xalqaro standartini joriy etish loyihasi o‘z ichiga to‘rt bosqichni oladi, ularni to‘liq amalga oshirish esa 2023-yilga mo‘ljallangan.