Axborot xabari!

Uzbekistan Airways yo‘lovchilarimizning fikr-mulohazalarini diqqat bilan o‘rganib, ko‘rsatilayotgan xizmatlar sifatini oshirish uchun barcha zarur choralarni ko‘radi. Shuningdek, kompaniya yo‘lovchilar duch keladigan masalalarni hal etishda ko‘maklashib, sayohatlar uchun eng qulay sharoitlarni yaratishga intiladi.

Shu yo‘l bilan yo‘lovchilarimiz tomonidan tranzit qatnovlar va bunday aviaqatnovlarda me’yordan ortiq yuk tashish masalalari bo‘yicha holatlar ko‘payganligini kuzatmoqdamiz. Me’yordan ortiq yuklarni tashish Uzbekistan Airways aviaqatnovlarida ham, aviakompaniyaning Interline-hamkorlari bilan tuzilgan tranzit aviaqatnovlarida ham amalga oshirilishi mumkin. Ta’kidlash lozimki, bugungi kunda Uzbekistan Airways ko‘plab shunga o‘xshash kelishuvlarga ega bo‘lib, uning hamkorlari orasida Lufthansa, Qatar Airways, Singapore Airlines, Turkish Airlines va boshqa yirik aviakompaniyalar mavjud.

Yo‘lovchilarimiz tranzit aviaqatnovlarda duch keladigan vaziyatlardan kelib chiqib, turli aviakompaniyalar tomonidan amalga oshiriladigan va ular o‘rtasida hech qanday kelishuv bo‘lmagan aviaqatnovlar bajarilganda, yakuniy manzilgacha yuklarni ro‘yxatdan o‘tkazish jarayoni rasmiylashtirish tartib-qoidalari jihatidan murakkablashayotganligi ta’kidlangan. Ushbu faktni inobatga olgan holda, barcha aviakompaniyalar aviaqatnovga ro‘yxatdan o‘tishda yo‘lovchilarni tranzit aeroportdagi vaqtni hisobga olish zarurligi, shuningdek, aviatashuvchilar o‘rtasida qandaydir kelishuvlar mavjudligi yoki yo‘qligi haqida ogohlantiradi.

Barcha aviakompaniyalar aviachipta va aviakompaniya veb-saytlarida ko‘rsatilgan ro‘yxatdan o‘tgan bagajni bepul tashish me’yorlari bo‘yicha o‘z qoidalariga ega. Shu bilan birga, me’yordan ortiq yuklarni tashish qoidalari va narxi, miqdori va vazni aviakompaniyalarning veb-saytlarida ko‘rsatiladi.  

Uzbekistan Airways aviaqatnovlarida bepul bagaj tashish me’yoridan oshgan taqdirda, parvozdan oldin aviaqatnovga ro‘yxatdan o‘tish paytida me’yordan ortiq bagaj uchun to‘lovni amalga oshirish kerak. To‘lov jo‘nab ketish aeroportlarida naqd va naqd pulsiz shaklda qabul qilinadi. Ro‘yxatdan o‘tish ustunida naqd pulsiz to‘lov imkoniyati bo‘lmasa, yo‘lovchi UzCard, Humo, Visa, MasterCard, Mir to‘lov tizimlarining kredit yoki debet kartalari orqali, www.uzairways.com rasmiy sayti orqali yoki aviakompaniyaning AppStore va GooglePlay do‘konlarida yuklab olish mumkin bo‘lgan ilovasi orqali to‘lovdan foydalanishi mumkin.

Eslatib o‘tamiz, parvoz vaqtida har qanday bahsli holatlar yuzaga kelganda, yo‘lovchilar e’tiroz tartibida info@uzairways.com rasmiy elektron pochtasiga yoki Uzbekistan Airways aloqa markazining +998 78 140 02 00 raqamiga murojaat qilishlari mumkin. Bundan tashqari, yo‘lovchilarning murojaatlari aviakompaniyaning www.uzairways.com rasmiy saytida "Yo‘lovchilar murojaatlari" bo‘limi orqali qabul qilinadi.

Eslatib o‘tamiz, kutilmagan vaziyatlarning oldini olish maqsadida, parvozdan avval aviakompaniya qoidalari bilan tanishib chiqish yoki Aloqa markazi telefon raqamlari orqali biz bilan bog‘lanish zarur.

Biz doimo muloqotga tayyormiz va siz bilan birga yanada yaxshilanib boramiz.